Bolumenak eta espazioak antolatzen

Eraikina antolatzeko orduan, lehenengo espazio publikoa akotatu egin da eta etxe irlari geratzen zaion punta geometrikoan kokatuko litzateke.

Jarraitzen du bolumen elkarketa horren ideia, eta elementuen kokapenagatik plazara ireki egin nahi da bai espazio publikoarekin erlazionatzeko eta bai eguzkitzapenagatik.

Bolumenak antolatzerakoan, irudian beltzez dauden bolumeak zurrunak litzateke eta hauek urdinez dagoen espazio komun hori eutsiko lukete.

Plazara bolumen intersekzio batzuen itxura ematea proposatzen da eta elementu zurrunak presentzia izatea baina kontrastatuz erdiko pieza arinago batekin.

Hala ere egindako konposaketan plazako ikuspegitik elementu zurrunek presentzia gehiegi hartzen dute, eta bai argazkian bai 3D-an horrela ikusten da. Eraikinean nabari behar da elementu arin bat pieza zurrunetatik eutsita, baina elementu zurrun-arin erlazioa egokiagoa izan behar du, hemen oso astun ikusten baitut.

Materiala birziklatuz

Donostiatik Buen Pastor ondotik pasatzen, denda batean ikusitako Solan de Cabras ur-markako botilekin errotulo bat dekoratuta zegoen. Jendea erakartzeko efektua lortzen du, begirada erakarri behar du eta bertatik pasatzen den jendea zuzenean begirada horra eramaten du, ondoren saltzen diren produktuak ikusiz.

 

Materialak birziklatzen duen arkitekturan begiratuz, Audenasa Nafarroako Autopistaren bulegoak (Noain) adibide dira, fatxada egiteko autopistatan geratzen diren neumatiko zatiekin egina dagoelako. Arkitektoak dioenez, koltxoi termiko bat bezala funtzionatzen du.

                                                                                                                       

                           

                 

Banaketarako kontzeptua eta kanpo ikuspegiari buruz

Proposatzen dut espazio batean bolumen ezberdinak maklatzea eta horren bidez banaketak definitzea. Eraikinak kanpotik esentzian duena adierazi behar du eta egin dudana izan da lanbide mota ezberdinak batu haien artean talde bat osatzeko, hau da, multzo bat egin dugu osagai ezberdinekin.

Plazara lehen aldiz sartzean eraikinak osagaien gehikuntza hori adierazi behar du eta horregatik bolumen ezberdinen maklatzea bilatu da.

Programa definitzen...

 Aurreko eskeman lanbide bakoitza bere aldetik zihoanez, erabaki da 3-ek ildo berean lan egitea. Hau da, bertan biziko direnak zerbait komunean izatea eta ez bakoitza bere aldetik joatea.Beraz, antzerki taldeentzako etxebizitzatan pentsatu dut non jostun, musikari eta artista-antzezleak bilduko diren.

Jostunek bere tailerra irekia izango dute hirira jendea sar dadin eta ikus dezan nola egiten diren arropak eta adibidez hilabete horretako antzerkiko gaia, arropak...ikutu, ikusi, usaintzera... Hilabete bakoitzean kalean ezartzeko aukera izango dute antzerkiko arropak eta publizitatea egiteko beste modu bat izan daiteke, rotulo itsusi baten ordez.

Musikariek entsegu gelak izango dituzte, eta jendea bertara sartzea egokia izan liteke, zeren eta planteatzen den antzerki eszenatokia hiria bera izatea interesgarria izango baitzen, eta musikaria jende aurrean jotzen ohitzeko egokia da.

Txoritokia garatuz..

Gure proiektuan ibilbideak garrantzi handia du. Aurreko sarreran aipatutako moduan, grua goialdea eta behealdea komunikatuko dituen elementua izango da eta horretaz gain, txoriak sendatzeko albaitarien kontsultak... egongo dira.

Beste ibilbide bat txoritokia inguratuko duena izango da, eta ibilbide hau bi arrapalez osatuta egongo da: batek ekialdetik edukiko du abiapuntua, eta besteak iparraldetik. Bi ibilbide hauek txorientzako espazioak izango diren zilindroak inguratuz egingo dute gora eta biek gruan izango dute amairea, beraz, grua izango da bi ibilbide hauen arteko lotura egingo duen elementua.

3D muntaia

Zilindroak elkarren artean komunikatuta egongo dira, txoriak sendatzen doazen heinean batetik bestera pasatzen joateko, sendatu eta aske uzten diren arte.Txoritokiak inguruko eraikin historikoekin badu erlazio formala, bolumen ezberdinen elkarketak sortzen duen irudiak hain zuzen ere.

Esan bezala, oinezko ibilbideek zilindro hauek inguratuko dituzte eta puntu konkretu batzuetan zeharkatu ere egingo dituzte; horiek pertsonak txoriengandik gertuago egotea ahalbidetuko dute. Ibilbide hauek izango dira zilindroen egitura, berauetatik zintzilikatuta egongo dira zilindroak.

Hipotesiak eskemetara eramanez

Lekurako hipotesiak kontuan hartuta eskema batzuk landu dira, kasu honetan hiru ofizio motarekin, baina agian beste batzuekin eskemak funtziona dezake.

Hasieran musikari eta artista kasuak hartu dira, baina artean sartuta jada har genezake jostunen hipotesia eta bat egin besteekin. Eskemak onar dezake agian beste konbinazio bat, baina argi dago eskema funtzionatzeko hobe da bizitza konpartituko duten pertsonak erlazionaturik egotea, ofizioagatik, bizitzeko eragatik, harremanagatik...